11 сентября 2022 года, в Неделю 13-ю по Пятидесятнице, день Усекновения главы Пророка, Предтечи и Крестителя Господня Иоанна, протоиерей Сергий Рыжов совершил литургию. В этот день Русская Православная Церковь молится о страждущих недугом винопития или наркомании. Празднование Дня трезвости 11 сентября, в день Усекновения главы Иоанна Предтечи, было установлено Святейшим Правительствующим Синодом в 1913 году; восстановлено Священным Синодом Русской Православной Церкви 25 июля 2014 года (журнал № 80).

На сугубой ектении были вознесены прошения об исцелении одержимых пагубною страстию винопития:

«Призри, Господи, милостивно на рабы Твоя, порабощенныя пагубною страстию винопития, даруй им познати сладость воздержания и произрастающих от него плодов духовных, молим Ти ся, услыши и помилуй.

О еже пощадити рабов Твоих страждущих сем недугом, и простити им всякое прегрешение вольное и невольное, показати на них великую Твою милость, избавити от греховнаго пленения и насилия диавольскаго, молим Ти ся, услыши и помилуй.

О еже не умрети рабом Твоим в сем недуге пребывающих лютою смертию, но оживотворитися Кровию Твоею Честною и исцелитися от горести, еюже их сопротивник напои, молимся Тебе, Врачу душ и телес, услыши и милостивно помилуй.

Яко бесноватаго страны Гадаринския божественною силою от насилия диавольскаго свободивый, исцели рабов Твоих пагубною сей страстию люте страждущих, молим Ти ся, услыши и помилуй».

После сугубой ектении протоиерей Сергий Рыжов прочитал молитву о страждущих недугом винопития:

«Владыко Господи, сотворивый человека по образу Твоему и по подобию, и Духа Святаго тому даровавый! Избави падшее создание Твое от работы вражия, отверзи ему двери покаяния, ангела светла посли ему, избавляюща от всякаго навета вражия. Услыши, Боже, припадающих к Тебе в скорби и печали и не отврати лица Твоего от одержимых пагубною страстию винопития, но даждь им крепость, надежду, веру, произволение благое утверди и приведи их ко спасительному воздержанию, попали терние согрешений вольных и невольных, да вселится в них благодать Твоя, просвещающая и очищающая всего человека. Исцели их от тяжкаго недуга пиянства, свободи от омрачения духовнаго и окаменения сердечнаго. Даруй им здравие душевное и телесное, направи на путь трудолюбия и благочестия. Услыши, Милостивый Господи, вопль родителей и сродников, плачущих о чадех и ближних своих.

Твое бо есть еже миловати и спасати ны, Боже наш, и Тебе славу возсылаем, Отцу, и Сыну, и Святому Духу, ныне и присно, и во веки веков».

По окончании литургии был совершен молебен об освобождении от пьянства и наркомании.